बुटवल,६ मंसिर । राजावादी अभियन्ता दुर्गा प्रसाईंले गणतन्त्र, संघीयता र धर्मनिरपेक्षतामा जनमत संग्रह गराउन राजनीतिक दलहरुलाई चुनौती दिएका छन् ।
बुधबार भक्तपुरस्थित आफ्नै निवासमा आयोजना गरेको पत्रकार सम्मेलनमा प्रसाईं ले मध्यावधि चुनाव, कार्यकारी प्रधानमन्त्री जनताले चुनेको बनाउन तथा राजतन्त्र र हिन्दू राष्ट्रको विषयमा जनमतसंग्रह गराउन दलहरुलाई चुनौति दिए । जनमत संग्रह भए आफ्ना एजेण्डाले जित्ने उनको दावी छ ।
आफ्नो व्यक्तिगत ऋणका विषयमा भइरहेका चर्चामाथि बोल्दै उनले आफूसँग ऋण थाम्ने धितो बैंकमा रहेकाले ऋण तिर्न नसके बैंकले धितो लैजाने बताए ।
‘बैंकमा धितो राखेर ऋण लिएको हो । ऋण तिर्न नसके बैंकले लैजान्छ । अरुलाई केको चिन्ता’, प्रसाईंले भनेका छन् । पत्रकार सम्मेलनमा प्रसाई एमालेप्रति खनिएका थिए ।
प्रतिक्रिया