कहाँर समुदाय सिंगाडा खेतीबाट मनग्य आम्दानी गर्दै

कपिलवस्तु ७ मंसिर।कपिलवस्तु नगरपालिका तौलिहवा बजारको कहार टोलका कहाँर जातिहरु मौसमी सिंगाडा उत्पादन गरेर मनग्य आम्दानी गर्ने गरेका छन ।अहिले उनी र उनको परिवारलाइै सिंगाडा बेच्ने चटारो छ । मौसमी फलकारुपमा रहेको सिंगाडा खेतीबाट उनले मनग्य आम्दानी गर्ने गरेका छन् । माछापालनकालागि ठेक्का लिएका तालमा सिंगाडा उत्पादन गरी उनले राम्रो कमाई गरीरहेका हुन । अहिले बजारमा सिंगाडोका माग अधिक भएकाले पाखेरीमा फलेको मौसमी फल सिंगाडा टिपेर बिक्री गर्न भ्याई छ । ४५ बर्षे कमलेशले सिंगाडा बिक्रीबाट आफुले राम्रो आम्दानी लिने गरेको बताए । बजारमा अहिले सिंगाडाको माग धेरै भएकाले पोखरीमा फलेको सिंगडा संकलन गरी बजारमा लगेर बिक्री गर्नमा आफनो पुरै परिवार ब्यस्त रहेको उनले बताए । उनी आफु सहित अन्य ४ जनालाई पनि ज्याला दिई सिंगाडा टिप्न लग्ने गरेका छन् ।
उत्पादन भएका सिंगाडा तौलिहवा हाट बजारमा बेच्न लाने गरेको उनी बताउछन । त्यहीबाट ब्यापारीहरुले किनेर जिल्लाका बिभिन्न बजारहरु बिक्रीकालागि लाने गरेको छन ।असोज देखि मंसिर भित्र पर्ने दशैं तिहार, बडकी आईतवार र हरिबोधनी एकादशी मा सिंगाडा बढी बिक्री हुने हुदा सिगाडा खेती गर्नेहरु बढी उत्साहित हुन्छन् । मंसिर ७ गते शुक्रवार परेको हरिबोधनी एकादशीमा तौलिहवा बजारम भरी सिगांगा बेच्ने र किन्नेको भीड लागेको छ यो फल ५० देखि ६० रुपिया किलो सम्म बिक्री हुने गर्दछ । मौसमी फल सिंगाडा खेतीका बिषयमा भने कृषि ज्ञान केन्द्र संग आधिकारि कुनै तथ्यांक छैन । जिल्लाका काहार समुदायका मानिसहरुले पोखरीमा सिंगाडा उत्पादन गरी राम्रो आम्दानी भने पाउने गरेको कृषि ज्ञान केन्द्रले जनाएको छ ।