सवारी साधन त्रिशूली नदीमा खसेको आशंका : सडकको डिलमा भारतीय नम्बर प्लेट भेटियो

चितवन २ माघ । चितवनको मुग्लिन नजिकबाट कुनै सवारी साधन त्रिशूली नदीमा खसेको आशंकामा प्रहरीले खोजी सुरु गरेको छ। इच्छाकामना ५ स्थित तीन नम्बर पुल नजिकबाट बस अथवा कुनै सवारी साधन त्रिशूली नदीमा खसेको आशंकासहित मंगलबार बिहानबाट गोताखोरसहितको टोलीले खोजी सुरु गरेको मुग्लिन प्रहरीले जनाएको छ।
एक जना बस चालकले त्रिशूली नदीको बीचमा गाडीको बत्ती बलेको भनेर मुग्लिन प्रहरीलाई जानकारी दिएपछि खोजी सुरु गरिएको इलाका प्रहरी कार्यालय मुग्लिनका बरिष्ठ सई राजेन्द्र बहादुर आलेले जानकारी दिए।सडकको डिलमा भारतीय नम्बर प्लेट भेटिए पनि कस्तो गाडी नदीभित्र खसेको भन्नेबारे यकिन जानकारी भने नआएको डिएसपी भण्डारीले बताए।