माघ १९ गते लामिछाने कपिलवस्तु आउने

कपिलवस्तु, ०४ माघ । राष्ट्रिय स्वतन्त्र पार्टीका सभापति रवि लामिछाने माघ १९ गते कपिलवस्तु आउने भएका छन् । देशब्यापी भ्रमणमा रहेका पार्टी सभापति लामिछाने बाणगंगामा हुने आम सभालाई सम्बोधन गर्न कपिलवस्तु आउने भएका हुन् ।
सभापति लामिछानेसंगै सांसद सुमना श्रेष्ठ लगायतका नेताहरु कार्यक्रममा सहभागि हुने जनाइएको छ ।

लामिछाने यसअघि कपिलवस्तु आउने कार्यक्रम भए पनि अन्तिममा स्थगित भएको थियो । त्यस्तो अपर्झट केहि काम नपरेको खण्डमा रविको लागि १९ गतेको कार्यक्रम तय भइसकेको ती नेताले जानकारी दिए । मुलुकको वर्तमान स्थिति, पार्टीको गतिविधि र आफूबारे उठेका प्रश्नबारे लामिछानेले सम्बोधन गर्ने कार्यक्रम रहेको छ । सोही अवसरमा नगर कमिटीको सार्वजनीकिरण कार्यक्रम पनि राखिएको बताइएको छ । सभापति लामिछाने आउने कार्यक्रमलाई सफल बनाउने गरी लाग्न नेता कार्यकर्तालाई जिल्ला कमिटिले आग्रह गरेको छ ।