सगरहवामा निर्मित १८ मुर्ती सहितको पार्क निर्माण र संरक्षण गर्न गुरुङको अध्यक्षतामा समिती गठन

कपिलवस्तु ९ माघ ।कपिलवस्तुको सगरहवामा निर्मित १८ मुर्ती सहितको पार्क निर्माण र संरक्षण गर्दै तत्कालीन र दिर्घकालिन योजना बनाएर अघि बढ्न १५ सदस्यीय सगरहवा मूर्ति ९पार्क० संरक्षण समिति गठन भएको छ ।
प्रथम राष्ट्रिय मूर्तिकला कार्यशाला समापन पश्चात् मूर्तिलाई पार्क बनाएर दिगोपना र उचित व्यवस्थापनको लागि १५ सदस्यीय सगरहवा मूर्ति (पार्क) संरक्षण समिति गठन गरिएको हो । कपिलवस्तु नगरपालिका वडा नम्बर ९ का वडाअध्यक्ष दिपक बहादुर गुरुङको अध्यक्षतामा १५ सदस्यीय संरक्षण तथा व्यवस्थापन समिति गठन गरिएको हो ।
जसको सदस्यहरुमा ललित गुरुङ, अब्दुल रसिद खाँ, शिव पौडेल, देवेन्द्र कुमार पोखरेल, हिरालाल पौडेल, नागेन्द्र प्रसाद यादव, विजय कुमार खनाल, , प्रकाश सापकोटा, जय प्रकाश यादव, चन्द्रराम यादव, खुशियाल केवट, बाल प्रसाद पौडेल देवराज पाण्डे र माधव प्रसाद आचार्य रहनुभएको छ । उक्त समितिले मूर्तिकार्यशालामा प्रत्यक्ष रुपमा सहयोग गर्दै आएको थियो । यस समितिलाई आवश्यकता अनुसार विस्तार गर्दै समावेशी बनाएर लैजाने समितिका अध्यक्ष गुरुङले बताउनुभयो । १५ सदस्यीय समितीमा एक्जना पनि महिला नराखिएको भन्दै एमालेका वार्ड अध्यक्ष रिसब पौडेलले सामाजिक संजाल मार्फत टिप्पणी गर्नु भएको छ ।