राजु गुरुङको राजीनामा स्वीकृत :अशोक कोइराला प्रदेश सचिव चयन

रुपन्देही १२ माघ । नेकपा एकीकृत समाजवादीको सचिवालयको बैठकले नेताहरूको जिम्मेवारी हेरफेर गरेको छ । शुक्रवार बसको बैठकले लुम्बिनी प्रदेश कमिटीका अध्यक्षसमेत रहेका सोम पाण्डेलाई रुपन्देहीको इन्चार्ज तोकेको छ । यसै गरी बैठकले गण्डकी प्रदेश कमिटीका अध्यक्ष रामजी शर्मालाई प्रदेश सह इन्चार्जको जिम्मेवारी दिएको छ भने गण्डकी प्रदेश कमिटीका कार्यवाहक अध्यक्ष रहेका श्रीनाथ बरालाई अध्यक्षमा मनोनयन गर्ने निर्णय गरेको छ ।
लुम्बिनी प्रदेश कमिटीका सचिव राजु गुरुको राजीनामा स्वीकृत गर्दै, सचिवको स्थानमा अशोक कोइरालालाई चयन गर्ने निर्णय भएको छ । यही माघ १४ र १५ बस्ने केन्द्रीय परिषद् बैठकमा खाली रहेको केन्द्रीय परिषद् सदस्यको ठाउँमा संस्थागत निर्णय र सिफारिसका आधारमा मनोनयन गर्ने समाजवादीको प्रचार विभागले जनाएको छ ।