ज्येष्ठ नागरिकलाई न्यानो कम्बल

चन्द्रौटा, १६ माघ ।
कपिलवस्तुको शिवराज नगरपालिका वडा ४ ले वडा भित्रका १५० जना ज्येष्ठ नागरिकहरूलाई न्यानो कम्बल वितरण गरेको छ । मङ्गलवार वडा कार्यालयमा एक कार्यक्रमको आयोजना गरि वडा भित्रका ७५ वर्ष माथिका नागरिकहरूलाई न्यानो कम्बल प्रदान गरेका हो । जाडोको समयमा न्यानो कम्बल पाएपछि ज्येष्ठ नागरिकहरू खुसी भएका छन् ।

चिसो मौसम बढेसँगै वृद्धवृद्धाहरुलाई समस्या भएकोले कम्बल वितरण गरेको वडा अध्यक्ष नसिम अहमद खाँले बताउनुभयो । चिसो कारण ज्येष्ठ नागरिकहरूको स्वास्थ्य समस्या हुने भएकोले वडाले वार्षिक कार्यक्रम अन्तर्गत वृद्ध वृद्धालाई सम्मान स्वरूप न्यानो कम्बल प्रदान गरेको बताउनुभयो । वडा अध्यक्ष खाँले जाडोको समयमा तातो र झोलिलो खानेकुरा खानु आग्रह गर्नुभयो । नागरिकहरूलाई पायक पर्ने तीन स्थानबाट वितरण गरिने भएको छ । वडाले कम्बल वितरणको लागि रु १ लाख ५० हजार विनियोजित गरेको थियो ।