कठमाडौं, १४ फागुन । अखिल नेपाल फुटबल संघ एन्फाले पदाधिकारी र केन्द्रीय सदस्यको बहिष्कारकै बीच आगामी आर्थिक वर्षको बजेट पारित गरेको छ ।
काठमाडौंको शंखमूलस्थित एक बैंक्वेटमा भएको साधारण सभाले चालु आर्थिक वर्ष २०८०–२०८१ को बजेट ६७ करोड ६७ लाख ६६ हजार रुपैयाँको बजेट पारित गरेको प्रवक्ता सुरेश शाहले बताए ।
यस्तै साधारण सभाले एन्फाको वार्षिक क्यालेण्डर पनि पारित गरेको छ ।
केन्द्रीय कार्यसमितिमा छलफल नै नभएका विषयलाई साधारण सभाको एजेन्डामा राखेको भन्दै वरिष्ठ उपाध्यक्ष वीरबहादुर खड्कासहित १० जना केन्द्रीय सदस्यहरुले साधारणसभा बहिष्कार गरेका थिए ।
यसबारेमा पत्रकारले सोधेको प्रश्नमा शाहले दुई तिहाइ सदस्यको उपस्थितिमा साधारण सभा भएको दाबी गर्दै साधारण सभा विधान अनुसार नै भएको बताए ।
प्रतिक्रिया