कपिलवस्तुमा बन्याकरण गराउने जिम्मा पनि महिला कै काँधमा

कपिलवस्तु १७ फागुन ।सन्तानको रहर पुगेका दम्पतीले परिवारको योजना अनुसार स्थायी बन्ध्याकरण गराउन सक्छन । यसकालागि पुरुष र महिला दुबैकालागि बन्ध्याकरणको सुबिधा छ । तर बन्ध्याकरणको समेत जिम्मेवारी महिला कै काधमा दिने गरिएको छ । पुरुषहरु आफु सो जिम्मेवारीबाट पंछेर महिलालाई बन्याकरणकालागि अघि सार्ने गरेका छन ।
कपिलवस्तुको १० वटै पालिकामा स्वास्थ्य कार्यालय कपिलवस्तुको आयोजना तथा सुनौलो परिवार नेपाल (मेरी स्टोप्स)को प्राबिधिक सहयोगमा गरिएको स्थायी बन्ध्याकरण घुम्ती शिबिरबाट सो तथ्या फेला परेको हो । शिबिरमा २ सय ७८ जनाको बन्ध्याकरण गरिएको थियो । जसमा ४ जना मात्र पुरुषले बन्याकरण गराएको स्वास्थ्य कार्यालय कपिलवस्तुका पब्लिक हेल्थ नर्स शान्ति भण्डारीले बताईन ।
बिगत देखि नै स्थायी बन्याकरण गर्ने पुरुषको सङ्ख्या जिल्लामा न्यून छ । अर्थिक वर्ष ०७८÷०७९मा १९१ महिला र ५ जना पुरुष गरी १९६ ले स्थायी बन्ध्याकरण गराएका थिए । त्यस्तै, आर्थिक वर्ष ०७९÷०८० मा २ सय ६० महिला र ५ जना पुरुष गरी २ सय ६५ जनाले स्थायी बन्ध्याकरण गराएका थिए । स्थायी बन्ध्याकरणका लागि महिलाले गर्ने बन्ध्याकरणलाई मिनिल्याप र पुरुष बन्ध्याकरणलाई भ्यासेक्टोमी भन्ने गरिन्छ । महिलामा गरिने मिनिल्यापभन्दा पुरुषहरुले गर्नेे भ्यासेक्टोमी बढी सुरक्षित रहेको स्वास्थ्यकर्मीहरु बताउँछन् । महिला भन्दा पुरुषालई बन्याकरण गराउदा सजिलो हुने भए पनि पुरुषहरुले महिलालाई नै बन्याकरण गराउन अघि सार्ने गरको भन्डारीले बताईन ।
स्वास्थ्य कार्यालय कपिलवस्तुका वरिष्ठ जनस्वास्थ्य अधिकृत नारायणप्रसाद चौधरीले बिभिन्न भ्रमका कारण पुरुषहरु बन्याकरण गराउन अकर्षित नभएको बताए । जिल्लाको महाराजगञ्जमा ४५, बुद्धभूमिमा ४१, कपिलवस्तुमा ३५, बाणगङ्गामा २३, शिवराजमा ३५, कृष्णनगर नगरपालिकामा १२ र विजयनगरमा २५, मायादेवीमा २१, यशोधरामा २५ र शुद्धोधन गाउँपालिकामा १५ जनाले शिविरमा स्थायी बन्ध्याकरण गराएका छन् । शिविरमा मुस्लिम समुदायको बन्ध्याकरण गर्नेको सङ्ख्या शून्य छ ।