कपिलवस्तु १९ फागुन ।वाणगंगा नगरपालिका वडा नं ५ मा रहेको माउण्ट एभरेष्ट वचत तथा ऋण सहकारीले २० रुपियाँबाट शुरु गरेकोमा हाल२५ करोडको कारोवार गर्दै आएको छ । २० जना युवाहरुले प्रति व्यक्ति २० रुपियाका दरले वचत गर्दै शुरु गरेको उक्त सहकारीले आर्थिक रुपमा फड्को मार्न सफल भएको हो । सहकारीले वाणगंगा नगरपालिका र कपिलवस्तु नगरपालिकाका केही वडाहरुमा काम गर्दै आएको छ । संस्थाले सामाजिक उत्तरदायित्व अन्तरगत विभिन्न विधामा सम्मान गरेको छ । जसअन्तरगत असल ऋणी , सफल उद्यमी , ज्येष्ठ नागरिक , असल वचत कर्ता , नियमित वचत सम्मान तथा पुरस्कृत गरेकोछ । त्यस्तै गरि शेयर सदस्यका एसइईमा उत्कृष्ट हुने छोराछोरीहरुलाई पुरस्कृत गरेको छ । 
सहकारीले ज्येष्ठ नागरिकलाई सम्मान रुवरुप तिर्थास्थल भ्रमण ,वचतकर्ताहरुलाई दिगो वचत , सहकारी अवलोकन भ्रमण , सहकारी शिक्षा कार्यक्रम लगायतका थुप्रै कार्यक्रमहरु गर्दै आएका संस्थाका अध्यक्ष युवराज पोख्रेलले बताउनु भयो ।संस्थाले दुध उत्पादन , गाई फर्म ,भैसी फर्म , किराना पसल , ग्रिल उद्योग , फेन्सी पसल , पुस्तक पसल , बैदेशीक रोजगारी , विद्यार्थीहरुको अध्ययन लगायतका काम गर्दै आएको छ ।
२०५० सालमा स्थापना भई अनौपचारिक रुपमा समुह बनाई समुदायमा सहकारी मोडलले काम गर्दै आए पनि २०५५ सालमा औपचारीक रुपमामा दर्ता भई सहकारीको रुपमा कारोवार गर्दै आएको छ । २० जना युवाहरुले प्रति व्यक्ति २० रुपियाका दरले वचत गर्दै उक्त सहकारी स्थापना गरेकोमा हाल ४ हजार ४५ सय शेयर सदस्य रहेका छन । जसमा पुरुष १९५६ र महिला २ हजार ८९ रहेका छन । हाल सहकारीमा करिब ५० जनाले प्रत्येक्ष रोजगारी पाएका छन । संस्थाका शेयरसदस्यहरुलाई उत्पादनमा जोडेर व्यवसायीमुखी बनाउने भावी दिनको योजना रहेको अध्यक्ष पोख्रेलले बताउनु भयो ।
त
प्रतिक्रिया