निर्वाचन अघिको गठबन्धन देश कै लागि अफापसिद्ध : गगन

काठमाडौ २४ फागुन । कांग्रेस महामन्त्री गगनकुमार थापाले निर्वाचन अघिको गठबन्धन देशकै लागि अफापसिद्ध भएको दावि गरेका छन् । उनले निर्वाचनभन्दा अघि गरिने गठबन्धनले प्रणालीलाई भ्रष्ट बनाएको बताएका हुन्। परिवर्तित राजनीतिक परिस्थितिबारे सामाजिक सञ्जालमा भिडियोमार्फत प्रतिक्रिया व्यक्त गरेका महामन्त्री थापाले निर्वाचनअघि अब कांग्रेसले कुनै पनि बहानामा कसैसँग पनि गठबन्धन गर्न नहुने बताएका छन्।

‘निर्वाचनभन्दा अघि गरिने गठबन्धनले प्रणालीलाई भ्रष्ट बनाएको छ। लोकतन्त्रलाई थप कमजोर बनाएको छ। त्यसैले कम्तीमा नेपाली कांग्रेस यो बाटो हिँड्न हुँदैहुँदैन,’ उनले भनेका छन्। कुर्सीको लोभका कारण अहिलेको गठबन्धन बनेको भन्दै उनले नयाँ सत्तागठबन्धन आफ्नै भारीले थिचिने पनि दावि गरेकाछन् ।