बाबुसंग भन्दा छोरासंग धेरै मतान्तरले हारे डम्वर

विराटनगर १८ बैशाख । इलाम २ बाट फेरि नेकपा एमालेले जित निकालेको छ । एमालेका सुहाङ नेम्वाङले बुवा सुवासचन्द्रको विरासत धान्दै प्रतिनिधिसभा सदस्यमा इन्ट्री मारेका छन् ।उनले नेपाली कांग्रेसका डम्बर खड्कालाई बुवाले भन्दा फराकिलो मतान्तरले हराए । गत वर्षको चुनावमा माओवादी, नेकपा एससँग गठबन्धन गरेर चुनाव लडेका खड्का सुवाससँग १४४ मतको झिनो अन्तरले पराजित भएका थिए । अहिले भने अझ फराकिलो अन्तरले उनै सुवासका छोरा सुहाङले डम्बरलाई स्तब्ध पारेका छन् ।

सुहाङ(डम्बरबीचको मतान्त्रर ५ हजार ८३० भोट छ । सुहाङले २७ हजार ७७२ भोट प्राप्त गर्दा कांग्रेसका खड्का २१ हजार ९४२ भोटमा रोकिए । २०७९ मा सुवासले ३० हजार २० भोट ल्याएका थिए । खड्काले २९ हजार ९०६ भोट ल्याएका थिए ।सुवास इलाम २ मा २०५६ सालदेखि नै निरन्तर विजयी हुँदै आएका थिए । गत भदौ २६ मा उनको निधनपछि रिक्त यस क्षेत्रमा यही शनिबार उपचुनाव भएको हो ।