काठमाडौँ, ०७ जेठ । नेकपा एमालेका उपाध्यक्ष विष्णु पौडेलले सरकार परिवर्तन गर्ने प्रयास माकुराको जालो जसरी च्यातिएको बताएका छन् । उनले माकुराको जालो च्यातिएपछि कांग्रेसले संसद्मा अहिले क्रिया प्रतिक्रिया देखाइरहेको आरोप लगाए ।
सोमबार प्रधानमन्त्रीको विश्वासको मतबारे छलफलमा भाग लिँदै सत्तारुढ दलका सांसद पौडेलले सत्ता नपाएको बेचैनीलाई त्यागेर आफ्नो भूमिकामा पुनर्विचार कांग्रेसलाई गर्न आग्रह गरे । उनले विश्वासको मत लिने प्रक्रियालाई समेत अवरुद्ध गरेर कांग्रेसले कस्तो लोकतान्त्रिक व्यवस्था चाहेको भन्दै उनले आक्रोश पोखे । उनले बोल्दै गर्दा कांग्रेसका सांसदहरूले बेल घेरा गर्दै निरन्तर होहल्ला र नाराबाजी गरेका थिए ।
प्रतिक्रिया