टिभिएसको मनसुन अफर बैरीयामा पनि आयोः यस्ता छन् सुबिधा

कपिलवस्तु, २४ जेठ । टिभिएस मोटर्सको नेपालका लागि आधिकारिक आयातकर्ता तथा बितरक जगदम्बा मोटर्स प्रा.लिले मनसुन अफर सार्वजनिक गरेको छ ।

मनसुन अफर अन्तरगत जगदम्बा मोटर्स प्रा.लि कपिलवस्तुको लागि आधिकारिक बिक्रेता वाणगंगा अटो ट्रेडर्स प्रा.लीमा जेठ २३ गतेदेखि २८ गतेसम्म एस्चेन्ज अफर संचालनमा ल्याएको सञ्चालक मनोज पौडेलले बताउनु भयो।

मनसुन अफरको अवधिमा नयाँ मोटरसाईकल र स्कुटरहरु खरिद तथा पुराना मोटरसाईकल र स्कुटरहरुसंग नयाँ मोटरसाईकल र स्कुटरहरु साट्न सकिने पौडेलले बताउनु भयो ।

वाणगंगा ०१ वैरिया मा रहेको वाणगंगा अटो ट्रेडर्समा टिभिएसका मोटरसाईकल, स्कुटर, अटो बिक्री गरिदै आएको छ । अटो मार्टमा मोटरसाईकल, स्कुटर मर्मत र सर्भिसिङ गरिनुका साथै स्पेयर पार्टहरु सुपथ मूल्यमा पाईने अर्का सञ्चालक मोहन न्यौपानेले बताउनु भयो ।

अफरमा मोटरसाईकल र स्कुटरहरु एक्सचेन्ज वा नयाँ खरिद गर्दा ग्रहाकले अतिरिक्त मूल्यांकन, नगद छुटका साथै सरल किस्ताबन्दीको सुविधा र हेलमेट, बाईक कभर र रेनकोट उपहार स्वरुप प्राप्त गर्नेछन् ।