प्रचण्डलाई ओलीको अन्तिम मौका : २४ घण्टा भित्र निकास नदिए अर्काे एक्सन

कपिलवस्तु १८ असार । नेकपा एमालेले प्रधानमन्त्री पुष्पकमल दाहाल ‘प्रचण्ड’ लाई मार्गप्रशस्त गर्न भोलि (बुधबार) सम्मको समय दिने भएको छ । आज ९मंगलबार० बसेको पार्टीको सचिवालय बैठकमा बुधबार बेलुकीसम्म प्रधानमन्त्री प्रचण्डलाई मार्गप्रशस्त गर्न समय दिनेगरी छलफल भएको एक पदाधिकारीले जानकारी दिए ।बैठकपछि निर्णय सुनाउँदै उपमहासचिव प्रदीप ज्ञवालीले पनि प्रधानमन्त्रीबाट प्रचण्डलाई मार्गप्रशस्त गर्न आह्वान गरिएको निर्णय भएको जानकारी दिए ।
यद्यपि बैठकमा भने बढीभन्दा बढी २४ घण्टासम्म कुर्ने र त्यतिबेलासम्म पनि राजीनामा नदिए पर्सी (बिहीबार) बिहान मन्त्रीहरूलाई फिर्ता बोलाएर समर्थन फिर्ता लिने निर्णय भएको एक पदाधिकारीले बताए ।मन्त्रीहरूलाई फिर्ता बोलाएपछि बाँकी निर्णयहरू कसरी गर्ने भन्नेबारे त्यतिबेलै शीर्ष नेताहरू बसेर छलफल हुने ती पदाधिकारीले जानकारी दिएका छन् । ‘हामी भोलि बेलुकी (बुधबार) सम्म कुर्छौ,’ उनले भने ‘त्यति बेलासम्म पनि उहाँले मार्गप्रशस्त गर्नु भएन भने हामी अन्य निर्णय लिन्छौं ।’