लुम्बिनी प्रदेशमा नागरिक उन्मुक्ति पार्टीको संसदीय दलको नेता परिवर्तन

बुटवल, ०९ साउन । लुम्बिनी प्रदेशमा नागरिक उन्मुक्ति पार्टीले संसदीय दलको नेतामा प्रदेशसभा सदस्य राजकुमार चौधरीलाई चयन गरिएको छ । बहुमत सदस्य सांसदको बैठकले धर्मबहादुर चौधरीलाई हटाएर राजकुमार चौधरीलाई दल नेता बनाउने निर्णय गरिएको हो।

पार्टीले संसदीय दल नेताको राजकुमार चौधरीलाई तोकिएको जानकारी संसद् सचिवालयमा समेत गराइएको छ । राजकुमार यस अघि प्रमुख सचेतक थिए । धर्म बहादुर चौधरी यस अघि पाटीको तर्फबाट नेतृत्व गर्दै पटक पटक मन्त्री बनेको नेता हुन्।

अहिले प्रमुख सचेतकमा नरमाया ढकाललाई चयन गरिएको छ । तर उनी आफै बैठकमा उपस्थित नरहेको रातोपाटीलाई बताइन्। उनले भोलि दिउँसो बैठक बसेर निर्णय गर्ने बताइन्।

पार्टीको सचेतकमा निर्मलादेवी थारुलाई चयन गरिएको छ । लुम्बिनी प्रदेशमा नागरिक उन्मुक्ति पार्टीका चार जना सांसद छन्।