कपिलवस्तु, १० साउन । नेपाली कांग्रेस र नेकपा एमालेबिच लुम्बिनी प्रदेशमा सरकारको नेतृत्व आलोपालो गर्ने सहमति भएको छ । सहमति अनुसार पहिलो चरणमा एमाले र दोस्रो चरण कांग्रेसले सरकारको नेतृत्व गर्नेछन् ।
बुधबार कांग्रेस र एमालेबिच प्रदेश सरकार सञ्चालनका लागि ६ सदस्यीय कार्यसम्पादन समिति गठन पनि गरेका छन् । समितिमा एमालेबाट भूमिश्वर ढकाल, भोजप्रसाद श्रेष्ठ, तुलसीप्रसाद चौधरी छन् । यस्तै कांग्रेसबाट जन्मजय तिमिल्सेना, धनेन्द्र कार्की र बैजनाथ कलवार रहेका छन् ।
समितिले मन्त्रिमण्डल गठन र जिम्मेवारी बाँडफाँट गर्ने छ । नीतिगत कार्यसम्पादनका लागि धारणा बनाउन समिति बनाएको एमालेका एक सांसदले जानकारी दिए ।
लुम्बिनीमा ९ सदस्यीय मन्त्रिमण्डल बने पनि मन्त्रीहरू सबै विनाविभागीय रहेका छन् ।उनीहरूलाई योग्यता र दक्षताका आधारमा मन्त्रालयको जिम्मेवारी दिन समितिले सुझाव दिनेछ ।
![](https://i0.wp.com/presspati.com/wp-content/uploads/2024/07/received_1545447509686124_8jP5mAuB2a.jpg?resize=535%2C768&ssl=1)
![](https://i0.wp.com/presspati.com/wp-content/uploads/2024/07/received_492604183419586_XQsSaO1FcC.jpg?resize=620%2C768&ssl=1)
प्रतिक्रिया