एमाले बाणगङ्गा नगर अध्यक्षमा सोमनाथ अर्याल, उपाध्यक्षमा भीम बहादुर थापा निर्वाचित

हरि घिमिरे, ०८ भदौ । एमाले बाणगङ्गा नगर अध्यक्षमा सोमनाथ अर्याल निर्वाचित भएका छन् । प्रतिद्वन्दी मदन शाहीलाई पराजित गर्दै अर्याल बिजयी भएका हुन ।दोस्रो नगर अधिवेशनबाट १४६ मत प्राप्त गर्दै अर्याल निर्वाचित भएका छन् । प्रतिद्वन्दी शाहीले जम्मा ५४ मत प्राप्त गरेका छन् । आज बिहान देखी सुरुभएको मतदानमा २०४ मत खसेको एमाले बाणगङ्गाले जनाएको छ । जसमा अध्यक्षका ४ मत बदर भएको बताईएको छ ।

यस्तै उपाध्यक्षमा भीम बहादुर थापा विजयी भएका छन् । पुन पनि १४६ मतका साथ विजयी भएका हुन । उनका प्रतिद्वन्दी बाबुराम अर्यालले ५० मत मात्र प्राप्त गरे । अन्य भोट अध्यक्षको मात्र खसेको र उपाध्यक्षमा खाली रहेको सहकर्मी हरि आचार्यले जानकारी दिए । यस्तै उपसचिवमा जगतराज रेग्मी निर्वाचित भएका छन् । 

नगर अधिवेशनबाट सचिवमा चेतनारायण भण्डारी निर्विरोध हुँदा महिला उपसचिवमा लक्ष्मी चौधरी पनि निर्विरोध चयन भएकी हुन् । अधिवेशनमा २ सय ११ प्रतिनिधिहरू सहभागी थिए। केही प्रतिनिधिहरू मतदानमा सहभागि भएनन् ।