रहेनन उद्यमी ईश्वरी गिरी

कपिलवस्तु, भाद्र १६ गते । नेकपा (एमाले) कार्यकर्ता एवम् समाज सेवी ईश्वरी गिरीको हिन्दु परम्परा अनुसार लक्ष्मणघाटमा अन्तिम दाह संस्कार गरिएको छ । ५४ वर्षे ईश्वरी गिरीको बुटवलमा शुक्रबार मोटरसाईकल दुर्घटनामा परी लुम्बिनी प्रादेशिक अस्पताल बुटवलमा उपचारका क्रममा शनिवार निधन भएको थियो । स्व.ईश्वरी गिरीलाई नेकपा (एमाले) का लुम्बिनी प्रदेश कमिटी सदस्य डम्मर शर्माले पार्टीको झण्डा ओढाएर अन्तिम श्रद्धाञ्जली दिनु भएको एमाले बाणगंगाले जनाएको छ । प्यूठानको नौ बदिनी गाउँपालिकाको वडा नं. २ मा बुवा वेगम गिरी र आमा हस्ता देवी गिरीको १० भाई छोरा र २ दिदी वहीनी मध्येका छैठौं सन्तान हुन स्व. ईश्वरी गिरी । गिरीको २०२७ साल कात्तिक १७ गते जन्मनु भएको हो । गिरीको श्रद्धाञ्जलीका निम्ति पार्टी नेता, कार्यकर्ता, स्थानियबासी, आफन्तजनको उपस्थिती रहेको एमाले वडा नं.७ का वडा कमिटी सचिव हरिशंकर पौडेलले जानकारी दिनु भयो । स्व.ईश्वरी गिरीका दुई छोरी र १ छोरा रहेका छन् । स्व.ईश्वरी गिरी विगत केही वर्ष देखि गारमेन्ट उद्योग सञ्चालन गर्दै आउनु भएको थियो ।