बिम्स्टेक सदस्य राष्ट्रबीच सहकार्य र सहयोगमा गरिबी निवारण : मन्त्री अधिकारी

काठमाडौँ १ कार्तिक ।भूमि व्यवस्था, सहकारी तथा गरिबी निवारणमन्त्री बलराम अधिकारीले गरिबी निवारण सरकारको उच्च प्राथमिकतामा रहेको बताएका छन् ।मन्त्रालयको अगुवाईमा बिम्स्टेकका सदस्य राष्ट्रहरूसँग गरिबी निवारणसम्बन्धी दुई दिवसीय तेस्रो विज्ञ समूहको बैठकमा मन्त्री अधिकारीले बिम्स्टेक सदस्य राष्ट्रबीच सहकार्य र सहयोग आवश्यक रहेको बताए । उनले छलफलको माध्यमबाट सदस्य राष्ट्रहरूसँग गरिबी घटाउने संयुक्त प्रयास हुने बताए । यस क्षेत्रमा संयुक्त र एकीकृत समाधान निकाल्नुपर्ने उनले जोड दिए ।

बैठकमा बंगलादेश, भारत, श्रीलंका, थाइल्यान्ड, म्यानमार, भुटान र नेपालका प्रतिनिधि सहभागी थिए । भूमि व्यवस्था, सहकारी तथा गरिबी निवारण मन्त्रालयका सहसचिव श्रीराम ठाकुरको नेतृत्वमा आयोजना गरिएको बैठकमा सदस्य राष्ट्रहरूबीच गरिबी घटाउने उपायहरू, सफलता र चुनौतीबारे छलफल भएको जनाएको छ ।बैठकमा विभिन्न राष्ट्रहरूले गरिबी निवारणका आफ्ना रणनीति र उपलब्धिहरू प्रस्तुत गरेका थिए ।