भुताह खोलामा २ करोड ९९ लाखमा सम्पन्न पुलको मन्त्री अधिकारीद्वारा समुद्घाटन

कपिलवस्तु १७ माघ ।पतेरियाको भुताह खोलामा २ करोड ९९ लाखको बजेटमा निर्माणकार्य सम्पन्न भएको पुलको एक भब्य समारोह बिच नेपाल सरकारका भुमि ब्यबस्था सहकारी तथा गरिबी निवारण मन्त्री बलराम अधिकारीले समुद्घाटन गर्नु भएको छ ।सो अबसरमा बोल्दै मन्त्री अधिकारीले यो पुलले कपिलवस्तुको दक्षिणी भेग र रुपन्देहीको कन्चन तथा गैंडहवाका जनतालाइ सुगम पारीदिएको बताउनु भयो ।आफुले २०७०मा सम्बिधान सभा सदस्य बनेका बखत बनाएको सडकमा आफ्नै पहलमा पुल बनाएर समुदघाटन गर्ने अबसर मिलेकोमा मन्त्री अधिकारीले खुशि व्यक्त गर्नु भयो ।समुदघाटन समारोहमा प्रदेशका भौतिक पुर्वाधार तथा योजना बिकासमन्त्री भुमिश्वर ढकालले संघको बजेटमा पुल बनेपनि सडक स्तरुन्नतिमा बजेट बिनियोजन गर्ने आश्वासन दिनु भयो ।समारोहमा रास्ट्रिय सभाका उपाध्यक्ष बिमला घिमिरे र प्रदेश साम्सद गिर्धारीलाल न्यौपाने एमाले नेता अब्दुल मोजिब खान भुमि ब्यबस्था सहकारी तथा गरिबी निवारणमन्त्रीका प्रमुख स्वकीय सचिब भेषराज पाण्डेको उपस्थिति थियोे ।समुदघाटन भएको पुल २३.६० मिटर लम्बाइ छ ।