अधुरा आयोजनाहरु कार्यान्वयन गर महालेखा प्रतिवेदन

लुम्बिनी , श्रावण २५
महालेखा परीक्षकको प्रतिवेदनले अधुरा आयोजनाहरु पुरा गर्ने गरी कार्यक्रम बनाउन लुम्बिनी प्रदेश सरकारलाई ध्यान दिनुपर्नेमा जोड दिएको छ । त्यस्तै लुम्बिनी प्रदेश सरकारको सार्बजनिक लेखा समिति (बेरुजु फर्छोट उपसमितिले आर्थिक अनुशासन कायम राख्दै बेरुजु फछर्योटलाई प्राथमिकतामा राख्नुपर्नेमा जोड दिएको हो । सार्वजनिक लेखा उपसमिति संयोजक विष्णु प्रसाद पंथीले महालेखा परीक्षकको सातौं प्रतिवेदनमा समावेश र औल्याइएका विषयलाई छलफलमा प्रष्ट पार्नु भएको थियो ।
सार्वजनिक लेखा समिति (बेरुजु फर्छोट उपसमिति) ले महालेखा परीक्षकको प्रतिवेदन मा औल्याइएका विषयमा लुम्बिनी प्रदेश सरकारका मुख्य मन्त्री चेतनारायण आचार्य, मन्त्री, सचिव सहितका उच्च अधिकारीसंग आइतबार भालुवाङ्गमा छलफल सम्पन्न गरेको छ ।
महालेखाले नीति तथा कार्यक्रममा समावेश विषयलाई बजेट तथा कार्यक्रममा अनिवार्य जोडन, आवधिक योजनालाई प्राथमिकतामा राखेका कार्यक्रमलाई वार्षिक बजेट तथा कार्यक्रममा समावेश गर्न ,विभिन्न अनुदान ब्यवस्थापनमा ध्यान दिनुपर्ने प्रतिवेदनमा समावेश गरेको संयोजक पंथीले बताउनु भयो । वैठकमा बेरुजु फछर्योटको उपलब्धी मासिक रुपमा समितिमा प्रतिवेदन बुझाउन जोड दिइएको बताइएको छ ।