महाशक्ति राष्ट्रको हेपाहा प्रवृत्ति प्रति प्रदेश सभा सदस्य पंथीको कडा आपत्ति

कपिलवस्तु, भाद्र ७

लुम्बिनी प्रदेश सभा सदस्य विष्णु प्रसाद पंथीले छिमेकी महाशक्ति राष्ट्र चीन र भारतको हेपाहाा र मिचाहा प्रवृत्ति प्रति कडा आपत्ति जनाउनु भएको छ । प्रदेश सभा सदस्य एवम् पूर्व स्वास्थ्य मन्त्री पंथीले नेपाली भुमी लिम्पियाधुरा, लिपुलेकलाई भारत र चीनले ब्यापारिक नाकाको रुपमा प्रयोग गर्ने सहमतिको आफ्नो फेसबुक स्टाटस मार्फत खुलेर आपत्ति जनाउनु भएको हो ।
प्रदेश सभा सदस्य पंथीले लिम्पियाधुरा लिपुलेक दिल्लीको सबैभन्दा नजिकको भारत चीन ब्यापारिक नाका मात्रै होईन यो कैलाश मानसरोवर तिर्थ यात्राको महत्त्वपूर्ण मार्ग पनि भएको हुँदा रणनीतिक महत्त्व रहेको भनिएको छ । त्यसैले यो भुभागमा भारतले आखाँ लगाएको छ ।

ब्रिटेन भारत सरकारले पटक पटक प्रकाशित गरेका नक्सा र महाकाली नदिको मुख्य धारा सहित दर्जन बढी ऐतिहासिक तथ्य प्रमाण भएको नेपाली भुभाग लाई हाम्रो दुर्गमता , दुरी र काठमाडौको कमजोरीको फाइदा उठाउदै भारतले गरेको हडप र दावा हेपाहा र मिचाहा प्रबृत्ति हो भनिएको छ ।

प्रदेश सभा सदस्य पंथी आफ्नो ब्यक्तिगत विचारमा भारतलाई यो भुभाग चाहिने नै हो भने नेपालीको एउटै स्वर र कुटनैतिक पहलमा पहिलो सट्टापट्टा दोस्रो लिजमा लिनेदिने गर्न सकिन्छ भनिएको छ ।