“पठन संस्कृति विकासमा पुस्तकालयको महत्व” विषयक वक्तृत्वकला प्रतियोगितामा लिटिल स्टार प्रथम

कपिलवस्तु, भाद्र १६ –
१८औं राष्ट्रिय पुस्तकालय दिवस २०८२ को अवसरमा लुम्बिनी प्रदेश सरकारको सामाजिक विकास मन्त्रालयद्वारा आयोजित वक्तृत्वकला प्रतियोगिता सम्पन्न भएको छ। प्रतियोगिताको विषय “पठन संस्कृति विकासमा पुस्तकालयको महत्व” रहेको थियो।

प्रतियोगितामा हथौसा लिटिल स्टार मा.वि. का कक्षा ९ का विद्यार्थी नवनीत पाण्डे प्रथम भएका छन्। मा.वि. इमलिया की छात्रा स्वीकृति भट्टराई द्वितीय तथा ज्ञानपुञ्ज मा.वि. बैरिया का सन्दीप भुसाल तृतीय स्थानमा विजयी भएका छन्।

कार्यक्रमबारे जानकारी बाणगंगा नगरपालिकाका उपसचिव खिम बहादुर जिसीले दिनुभएको हो।