कपिलवस्तु, असोज ३
संविधान दिवसको अवसरमा नेपाली कांग्रेसका नेता एवम् संविधान सभा सदस्य अत्तर कमाल मुसलवानले नेपालको संविधान विश्वकै उत्कृष्ट रहेको बताउनुभएको छ ।
विशिष्ट अतिथीको आसनबाट सम्बोधन गर्दै उहाँले पार्टीका नेताहरुमा कमजोरी देखिन सक्ने तर देशलाई नै वरबादी हुने गरी काम नगरेको तर्क गर्नुभयो । “नेतालाई सच्चाउन सकिन्छ, तर नेताको कमजोरी देखाएर संविधानमाथि आक्रमण गर्नु स्वीकार्य हुँदैन,” कमालले भन्नुभयो ।
उहाँले व्यक्तिगत रिस–इवीका कारण जनप्रतिनिधिमाथि आरोप लगाउने प्रवृत्ति देखिएको उल्लेख गर्नुभयो । पार्टीभित्रको अस्वस्थ प्रतिस्पर्धाले अराजकता बढेको दाबी पनि गर्नुभयो ।
संविधान दिवसको अवसरमा नेपाली कांग्रेस र नेकपा (एमाले) बाणगंगाद्वारा कपिलवस्तु उद्योग वाणिज्य संघको सभाहलमा आयोजित संयुक्त कार्यक्रममा नेता कमालले यस्तो धारणा राख्नुभएको हो ।
प्रतिक्रिया