कपिलवस्तु, आश्विन ६ गते
नेकपा (एमाले) का केन्द्रीय सदस्य एवम् पूर्व मन्त्री बलराम अधिकारीले पार्टीले विगतमा गरेका कार्यहरूको गहिरो समिक्षा गर्दै आगामी दिनमा अझ सशक्त ढंगले अगाडि बढ्नुपर्ने आवश्यकता औंल्याउनुभएको छ।
कपिलवस्तुमा आयोजित एक कार्यक्रममा बोल्दै अधिकारीले पार्टीले जनतासँग निकट सम्बन्ध कायम गर्दै अघि बढ्दा मात्र दीगो सफलता प्राप्त गर्न सकिने धारणा राख्नुभयो। उहाँले विगतका अनुभव र कमजोरीहरूलाई आत्मसात गर्दै समिक्षा गर्ने संस्कार पार्टीभित्र विकास हुनुपर्नेमा जोड दिनुभयो।
पूर्व मन्त्री अधिकारीले सत्ता सञ्चालनका क्रममा विगतमा गरिएको सहकार्य र साझेदारीको पनि पुनः मूल्यांकन गर्नुपर्ने आवश्यकता औंल्याउनुभयो। उहाँले कार्यकर्ताहरूलाई समस्या र चुनौतीको घडीमा हतास नहुन आग्रह गर्दै दृढ आत्मबलका साथ अगाडि बढ्न निर्देशन दिनुभयो।
“जनताले हाम्रो पार्टीसँग आशा राखेका छन्, विगतमा जस्तै भविष्यमा पनि जनतासँगको सम्बन्ध अझ प्रगाढ बनाउन सक्नुपर्छ,” उहाँले भन्नुभयो। कार्यक्रममा उपस्थित स्थानीय नेताहरूले समेत पार्टीलाई अझ सुदृढ बनाउन अनुभव, सुझाव र जनस्तरमा रहेको अपेक्षालाई ध्यान दिनुपर्नेमा जोड दिएका थिए।
प्रतिक्रिया