कपिलवस्तु, बाणगंगा नपा–६ अमौली
जेनजी आन्दोलनका क्रममा जेलबाट भागेका कैदीबन्दीहरुको गतिविधि बढेसँगै गाउँ–बस्तीमा चोरीका घटना तीव्र भएको स्थानीयले बताएका छन् । चोरी बढेसँगै सर्वसाधारण त्रासमा परेका छन् ।
राति–बेलुकी घरमा ढुक्कसँग बस्न नसकिने अवस्था आएपछि स्थानीयवासी आफैं सुरक्षा व्यवस्थामा जुटेका छन् । गाउँका युवाहरु पालैपालो गस्ती गर्ने, टोल–टोलमा सर्तक समिति गठन गर्ने कार्यलाई अघि बढाइएको छ ।
स्थानीयवासीका अनुसार, विगत केही दिनयता घर र पसलबाट सामान हराउने तथा नगद चोरी हुने घटनामा वृद्धि भएको छ । यसले सर्वसाधारणलाई थप भयमा पारिरहेको छ ।
प्रहरीका अनुसार, जेल तोडफोडपछि फरार भएका कैदीमध्ये केहीलाई नियन्त्रणमा लिन सकिएको छ तर अझै धेरै जना फरार रहेका कारण सुरक्षा चुनौती बढेको छ । चोरी नियन्त्रणका लागि प्रहरी गस्ती बढाइने र स्थानीयसँग सहकार्य गर्ने तयारी भइरहेको प्रहरीले जनाएको छ ।
प्रतिक्रिया