एलाभेसविरुद्ध ३–१ को पुनरामगन जित निकाल्दै बार्सिलोना स्पेनिस ला लिगाको शीर्ष स्थानमा उक्लिएको छ । शनिबार क्याम्प नोउमा घरेलु टोली बार्सिलोनालाई जित दिलाउन ड्यानी ओल्मोले दुई र लामिन यामलले एक गोल गरे । एलाभेसका लागि पाब्लो इबानेजले गोल गरे ।
खेलको पहिलो मिनेटमै इबानेजको गोलमार्फत एलाभेसले अग्रता लिएको थियो । आठौँ मिनेटमा यामलले बार्सिलोनाका लागि बराबरी गोल गरे ।
ओल्मोले २६औँ मिनेटमा गोल गर्दा बार्सिलोना २१ ले अगाडि बढ्यो । इन्जुरी समयमा ओल्मोले व्यक्तिगत दोस्रो तथा टोलीका लागि तेस्रो गेल गरे ।
जितसँगै बार्सिलोनाले १४ खेलमा ३२ अंक जोडेको छ । यो एक खेल कम खेलेको रियल मड्रिडको भन्दा दुई अंक बढी हो । पराजित एलाभेस १४ खेलबाट १५ अंकका साथ १४औँ स्थानमा छ ।
शनिबारै सम्पन्न अन्य खेलमा एट्लेटिको मड्रिडले ओभिडो तथा एथलेटिक क्लब बिल्बाओले लेभान्टेविरुद्ध समान २–० को जित निकाले । यसैगरी, मायोर्का र ओसासुना २–२ को बराबरीमा रोकिए ।
प्रतिक्रिया