काठमाडौँ, १२ पुस
नेपाल चेम्बर अफ कमर्सले हिरक जयन्तीको अवसरमा ‘कर्पोरेट गल्फ’ प्रतियोगिता सम्पन्न गरेको छ । काठमाडौँको सिनामङ्गलस्थित रोेयल नेपाल गल्फ क्लबमा आज निजी क्षेत्रका उद्योगी व्यवसायीको सहभागितामा चेम्बरले कर्पोरेट गल्फ प्रतियोगिता सम्पन्न गरेको हो । प्रतियोगितामा विभिन्न १५ जना विजेतालाई पुुरस्कार वितरण गरिएको थियो । विजेता खेलाडीलाई चेम्बरका अध्यक्ष कमलेशकुमार अग्रवाल, पूर्वअध्यक्षद्वय राजेशकाजी श्रेष्ठ, राजेन्द्र मल्ल र वरिष्ठ उपाध्यक्ष दीपक मल्होत्राले सम्मानपत्र प्रदान गर्नुभयो । कार्यक्रममा चेम्बरका उपाध्यक्ष एवं गल्फ प्रतियोगिताका संयोजक अर्जुुन शर्माले ७५ वर्षको चेम्बरको यात्रा वास्तवमै ऐतिहासिक र प्रेरणादायी रहेको बताउनुुभयो । “सात दशकभन्दा लामो समयदेखि नेपाल चेम्बर अफ कमर्सले मुुलुकमा व्यापार, उद्योग, उद्यमशीलता तथा निजी क्षेत्रको विकासमा महत्वपूर्ण भूमिका निर्वाह गर्दै आएको छ”, उहाँले भन्नुभयो । संयोजक शर्माले नेपालमा खेलकुद पर्यटनको प्रवर्द्धन गर्ने उद्देश्यले कर्पोरेट गल्फ आयोजना गरिएको उल्लेख गनुृभयो । हिरक जयन्तीका अवसरमा आयोजित गल्फ प्रतियोगिताले खेलकुुद मात्र नभई चेम्बरको सामाजिक सक्रियता, अनुशासन, एकाग्रता, इमानदारी र दीर्घकालीन दृष्टिकोणलाई प्रतिविम्बित गर्ने उहाँको भनाइ छ । चेम्बरको ७५औँ स्थापना दिवस एवं हिरक जयन्तीका अवसरमा संस्थाले वर्षभरी विभिन्न कार्यक्रम आयोजना गर्ने जनाएको छ । —
प्रतिक्रिया