टोल टोलमा पुगेर जनताको गुनासो सुन्दै उम्मेद्वार कुँवर

कपिलवस्तु २० माघ

कपिलवस्तु प्रतिनिधिसभा निर्वाचन अन्तर्गत कपिलवस्तु निर्वाचन क्षेत्र नम्बर १ मा अब चुनावी बहस शब्दको होइन, काम र प्रतिबद्धताको बनेको छ। यही भरोसाको केन्द्रमा उभिएका छन्— नेपाली कम्युनिष्ट पार्टी (तारा चिन्ह) का उम्मेदवार कृष्ण बहादुर कुवँर । निर्वाचन मिति नजिकिँदै जाँदा कुवँरले गाउँ–गाउँ, टोल–टोल पुगेर जनताको आँखामा आँखा राखी कुरा गर्ने राजनीति अघि बढाएका छन् । ठूला भाषण होइन, सुनिने आवाज, देखिने उपस्थिती र महसुस हुने प्रतिबद्धतामार्फत उनले मतदातासँग सीधा संवादलाई प्राथमिकतामा राखेका छन् । “अब नेता टाढाबाट होइन, जनताकै आँगनबाट बन्नुपर्छ”— यही सोचका साथ कुवँरले रोजगारी, शिक्षा, स्वास्थ्य, सडक र युवाको भविष्यजस्ता मुद्दालाई आफ्नो मुख्य एजेन्डा बनाएका छन्।