कपिलवस्तु १७ चैत्र
कपिलवस्तुको ऐतिहासिक, सांस्कृतिक, पुरातात्विक तथा धार्मिक महत्व उजागर गर्ने उद्देश्यले तयार गरिएको ‘कपिलवस्तुका सम्पदा’ नामक पुस्तक प्रकाशन गरिएको छ। पुस्तकका लेखक पोमनारायण पौडेलका अनुसार यस कृतिमा कपिलवस्तुका १० वटा स्थानीय तहअन्तर्गत रहेका २३५ स्थलहरूको अनुसन्धानात्मक अध्ययन समेटिएको छ।
लेखक पौडेलले पुस्तक तयार पार्ने क्रममा बौद्ध धर्मग्रन्थहरू, पुरातात्विक अध्ययन प्रतिवेदनहरू तथा पौराणिक साहित्यलाई मुख्य स्रोत सामग्रीका रूपमा उपयोग गरिएको जानकारी दिनुभयो। उहाँका अनुसार कपिलवस्तुको सन्दर्भमा हालसम्म प्रकाशित कृतिहरूम ध्ये यस पुस्तकमा सबैभन्दा धेरै स्थलहरूको विस्तृत विवरण समावेश गरिएको दाबी गरिएको छ।
‘कपिलवस्तुका सम्पदा’ पुस्तक शैक्षिक तथा अनुसन्धानका दृष्टिले महत्वपूर्ण मानिएको छ। विश्वविद्यालयका विद्यार्थी, अनुसन्धानकर्ता, स्थानीय पाठ्यक्रम विकासमा संलग्न निकाय, साथै कपिलवस्तुको इतिहास र सम्पदाबारे जान्न चाहनेहरूका लागि यो पुस्तक उपयोगी स्रोत सामग्री बन्ने अपेक्षा गरिएको छ। यसले योजना निर्माण तथा पर्यटन पूर्वाधार विकासमा समेत सहयोग पुग्ने विश्वास गरिएको छ।
पुस्तकको मूल्य ६६५ रुपैयाँ निर्धारण गरिएको छ भने कपिलवस्तुका विभिन्न पुस्तक पसलहरूमा सहज रूपमा उपलब्ध रहेको जनाइएको छ।
प्रतिक्रिया