झापा, १८ चैत
मानवसेवा आश्रमले पारिवारिक प्रेम, सामाजिक जिम्मेवारी र अभिभावकप्रति सम्मान प्रकट गर्न यहाँका तीन स्थानमा ‘आमा सेमिनार’ सञ्चालन गरेको छ । सो आश्रमले आज मेचीनगर नगरपालिकाको काँकडभिट्टा र बाहुनडाँगीमा विद्यार्थी र समुदाय लक्षित कार्यक्रम गरेको हो । गत मङ्गलबार भने कनकाई नगरपालिकाको सुरुङ्गामा उक्त कार्यक्रम गरेको थियो । ‘आमा सेमिनार’मा वृद्धवृद्धा, युवा, विद्यार्थी, सामाजिक अभियन्ता, सरकारी निकायका प्रतिनिधिलगायत सहभागी थिए । सेमिनारमा मानवसेवा आश्रमका संस्थापक अध्यक्ष रामजी अधिकारीले समाजमा मातृस्नेह र पारिवारिक सम्बन्धलाई बलियो बनाउन तनाव व्यवस्थापन, खुसी र परोपकारी भावनाको आवश्यकता रहेको बताउनुभयो । आश्रमले नेपालका १९ जिल्लामा २८ वटा शाखामार्फत सडकमा आश्रित मानिसहरुको उद्धार, उपचार र पुनःस्थापना गरी मुलुकलाई सडकमानव मुक्त बनाउन पहल गरिरहेको जनाएको छ । आश्रमको १९औँ शाखा झापाको मेचीनगर–४ बाहुनडाँगीमा सञ्चालन भइरहेको छ । —
प्रतिक्रिया