ब्रेकिंग न्युज

छल्न खोज्नेलाई घरमै क्वारेन्टाइन



हुम्ला १४ चैत्र । कोडिड–१९ को सम्भावित सङ्क्रमणबाट बच्न दुई हुम्लीलाई प्रहरीले होम क्वारेनटाइनमा राख्ने काम गरेको छ । नेपालका विभिन्न स्थानीय नाकाहरु तथा प्रहरी चौकीलाई छल्दै भारतबाट आए पनि आफूहरु हवाई टिकट नपाई नेपालगञ्जबाट आएका हौँ भनी झुट बोल्दै हुम्ला पुगेका खार्पुनाथ गाउँपालिका–१ पिउसका एक र सोही पालिका कारङ्गगाउँका एक जनालाई पनि होम क्वारेन्टाइनमा राखिएको हो ।उनीहरु भारतबाट भागेर आएको प्रहरीले थाहा पाउनेबित्तिकै याङ्चु प्रहरीको टोली गएर होम क्वारेन्टाइनमा बस्न निर्देशन दिइएको छ । यसरी भारतबाट भागेर आएकाहरु गाउँ पुग्दा स्थानीयवासी त्रसित हुन पुगेको यहाँका स्थानीयवासीले बताएका छन् । गाउँपालिकामा भारत तथा नेपालका विभिन्न शहरबाट आउनेको लगत सङ्कलन भइरहेको जिल्ला प्रहरी कार्यालय हुम्लाका प्रहरी नायब उपरीक्षक रामप्रसाद घर्तीमगरले जानकारी दिनुभयो । जिल्लाका सातवटै गाउँपालिकाका सम्पूर्ण पालिका प्रमुख, वडा प्रमुख र वडा सदस्यलाई आफ्नो गाउँठाउँमा आफू परिचालित भई लकडाउनको पूर्ण पालना गराउन अनुरोध गरिएको प्रमुख जिल्ला अधिकारी विनिता भट्टराईले बताउनुभयो ।

प्रकाशित : १४ चैत्र २०७६, शुक्रबार

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल
  • समाचार संयोजक :  
    हरि घिमिरे

सोसल मिडिया

सूचना विभाग दर्ता नं.

८५८-२०७५/७६