कपिलवस्तु ११ वैशाख ।कपिलवस्तु जिल्लामा कोरोना भाइरस रोकथाम नियन्त्रण तथा उपचारको क्रममा विहिवार सम्म ८ सय ५८ जनाको रयापिड डायग्नोस्टिक टेस्ट (आरडिटी) परीक्षण गरिएको छ । यसमध्ये सबैभन्दा बढी १० स्थानीय तह मध्ये महाराजगंज नगरपालीकामा २ सय १२ जनाको आरडिटी परीक्षण गरिएको छ । जिल्लाका विभिन्न स्थानका क्वारेन्टाइनमा बसेकामध्ये ८ सय ५८ जनाको कोरोना भाइरस (आरडिटी) रिपोर्ट नेगेटिभ आएको जिल्ला स्वास्थ्य कार्यालयका प्रमुख योगेन्द्र भगतले वताउनु भयो ।
जिल्लास्थित १० स्थानीय तहले विभिन्न स्थानमा निर्माण गरेका क्वारेन्टाइनमा १४ दिन वसेका र होम क्वारेन्टाईनमा समेत वसेकाहरुको ¥यापिड डायग्नोस्टिक टेस्ट (आरडिटी) गरिएको भगतको भनाई छ । भारत लगाएत तेश्रो मुलकुवाट आएका हुरुलाई क्वारेन्टाईनमा राखिएको छ । अहिले सम्म बिजयनगर गाउपालिकामा १ सय ८६ जना, महाराजगंज नगरपालीकामा २ सय १२ जना, सुद्धोदन गाउपालिकामा ६६ जना, मायादेबी गाउपालिकामा ८९ जना, कृष्णनगर नगरपालिकामा ५७ जना, शिवराज नगरपालिकामा ५५ जनाको परिक्षण गरिएको छ । यस्तै कपिलवस्तु नगरपालिकामा ३३ जना, यशोधरा गाउपालिकामा ६९ जना, बाणगंगा नगरपालिकामा ४८ जना र बुद्धभुमीमा ३६ जनाको परिक्षण गरिएको कार्यालय प्रमुख भगतले वताउनु भयो ।
यस्तै विहिवार ४ पालिकामा २२ जनाको परिक्षण गरिएको छ । शिवराजमा ७ जना, बिजयनगरमा ९ जना, महाराजगंजमा ४ जना र सुद्धोदनमा २ जनाको परिक्षण गरिएको छ । प्रदेश नम्बर ५ सरकारको स्वास्थ्य निेर्देशनालयले कोभिड डाईग्नोटीस्ट टेस्ट किट जिल्लामा पठाए पछि चैत २९ गते देखि परिक्षण शुरु भएको हो । टेस्टका लागि जिल्लामा २० जना ल्याबका कर्मचारीहरुलाई तालिम दिईएको र एक जना पालिकामा २ जना गरी १० पालिकामा २० जना परिक्षणका लागि खटिएका छन् । जिल्लामा परिणाम पोजेटिभ देखिए थप पिसिआर परिक्षणका लागि प्रदेश सरकारको भैरहवामा संचालन रहेको ल्याबमा पठाईने प्रशासन कार्यालयको भनाई छ । भैरहवामा पिसिआरबाट परिक्षण गरिने व्यवस्था गरिएको छ ।
यसैविच १० पालिकाले तयार गरेको एक हजार ३९ क्वारेन्टाईन सैयामा एक हजार ३५ जना रहेकोमा ८ सय ३९ जना डिस्चार्ज भई हाल २ सय १० जना रहेको जिल्ला प्रशासन कार्यालयका प्रशासकीय अधिकृत मनोज सैनीले जानकारी दिनु भयो । यस्तै जिल्लाका १० वटा पालीकामा २१ हजार २ सय ६१ बिपन्न पविारले राहत बितरण गरेका छन् ।
प्रतिक्रिया