भैरहवा ३ जेठ । चितवनमा लकडाउनको उलंघन गरेको भन्दै शुक्रवार प्रदेश ५ का सांसद विरेन्द्र कनौडीयालाई प्रहरीले रोकेर जहावाट आएको हो त्यहि फिर्ता पठाएको घटना सार्वजनिक भएकै दिन प्रदेश ५का सांसद सन्तोष पाण्डेलाई रुपन्देहीका शसस्त्र प्रहरी बरिष्ठ उपरिक्षक प्रदिप कुमार पाल र सशस्त्र प्रहरी बल गणका प्रमुख तेज कुमार पोखरेलले चाकडीको पराकाष्टा प्रदर्शन गर्दै लकडाउन उलंघनमा सघाएको तथ्य प्रेसपाटीले प्राप्त गरेकोछ ।
प्रहरीका हाकिमहरुलाई अघिपछि लगाएर आफ्नो निर्वाचन क्षेत्र समेत नभएको रोहीणी गाउ पालिकाको वडा नं १ मा पर्ने सिमा क्षेत्र सेमरपानी पाण्डे पुगेका हुन् । विना कामै घुम्ने सांसद र उनलाई सुरक्षा दिने वाहानामा डुल्ने प्रहरीका हाकीम दुबैलाई कसैले किन घुमेको भन्ने समेत सोध्ने हिम्मत गरेका छैनन । रुपन्देहीमा लकडाउनको अनुगमनका नाममा प्रदेश ५ का प्रदेशससभा सदस्य सन्तोष पाण्डेयको घुमफिरले सर्वसाधारण मात्र होईन सुरक्षा निकाय समेत हैरानीमा पारेको छ ।
प्रदेश सभा सदस्य पाण्डेयले अनुगमन र राहत बितरणका नाममा कोरोनाको उच्च जोखिममा रहेका क्षेत्रहरुको जथाभावी हिडडुल गर्ने गरेको भनाई सुरक्षाकर्मीहरुको छ ।कहिले भारतीय क्वारेन्टाईन जाने कहिले नेपालका क्वारेन्टाईन जाने कहिले बिपन्न बर्गलाई राहात बाडन भन्दै हिडने वहाको असुरक्षीत दैनिकीले हामीलाई समेत हैरान बनाएको छ एक सशस्त्र प्रहरी अधिकृतले भने । प्रदेश सभा सदस्य पाण्डेय सुरक्षाकर्मी अघिपछि लगाएर गाउगाउ डुलेको मात्रै नभई भारतीय क्वारेन्टाईन सम्म पुगेको समाचार सार्वजनिक भएसंगै पाण्डेलाई समेत क्वारेन्टाईनमा राख्नु पर्ने माग उठेको थियो ।
तर यस बिषयमा स्थानीय प्रशासनले चासो नदेखाएको भैरहवाका सर्वसाधारणको गुनासोछ । पान्डेय प्रदेश सभा सदस्य रुपन्देही ३ को २ का सांसद हुन् तर उनी गृहमन्त्री झै सूरक्षाकर्मी अघिपछि लगाएर कहिले मर्चवार ,कहिले धकधई क्षेत्रमा घुमिरहेका छन् । प्रदेशसभा सदस्य पाण्डेय बीहिवार र शुक्रवार शसस्त्र प्रहरीका प्रहरी बरिष्ठ उपरिक्षक प्रदिप कुमार पाल र सशस्त्र प्रहरी गणका प्रमुख तेज कुमार पोखरेललाई अघिपछि लगाएर सिमा क्षेत्र सेमरपानी पुगेका थिए । पाण्डेयले आफ्नो निर्वाचन क्षेत्र समेत नभएको रोहीणी गाउ पालिकाको वडा नं १ मा पर्ने उक्त सिमा क्षेत्रमा कसरी पुगे भन्ने आफुहरु नै अनभिज्ञ रहेको प्रहरीको भनाई छ ।
प्रदेश ५ को जुनसुकै क्षेत्रमा पनि जान सक्छु जनताको सेवा गर्न कसैले रोक्न सक्दैन उनले भने । जहा पायो त्यहा जाने सबैसंग भेटघाट गरेर फर्कने पाण्डेलाई क्वारेण्टाइनमा राख्नु पर्ने रुपन्देहीका नागरिक अगुवा प्रताप कुमार शाक्यले माग गर्नु भयो । उहाले भन्नु भयो एकातिर एउटा सांसद कारवाही पर्ने अर्काे तिर त्यस्तै काम गर्ने अर्काेलाई सुरक्षा निकायले स्कर्टीङ गर्ने यो कस्तो देश भन्ने प्रश्न गर्नु भयो । प्रहरीका हाकीमहरुको सांसद पाण्डेसंग कुनै अबैध सम्बन्ध छ होला र यसरी चाकडी गर्छन उहाले प्रेसपाटीसंग भन्नु भयो ।
प्रतिक्रिया