काठमाडौं, ४ जेठ । प्रदेश १ मा आइतबार थप तीन जनामा कोरोना संक्रमण पुष्टि भएको छ । तीन संक्रमित थपिएसँगै नेपालमा कोरोना संक्रमितको संख्या २९५ पुगेको छ। बीपी कोइराला स्वास्थ्य विज्ञान प्रतिष्ठानमा गरिएको परीक्षण अनुसार नयाँ संक्रमण पुष्टि भएको संख्या ३ रहेको स्वास्थ्य तथा जनसंख्या मन्त्रालयले विज्ञप्ती जारी गरी जानकारी दिएको हो ।
मन्त्रालयका अनुसार विराटनगरकी २९ वर्षीय महिला र विराटनगरकै ३६ वर्षका व्यक्तिमा कोरोना पुष्टि भएको हो । संक्रमित एकजना धनकुटा जिल्ला अस्पतालकी नर्स रहेकी खुलेको छ । उनीहरु सबैको स्वास्थ्य अवस्था सामान्य रहेको मन्त्रालयले जनाएको छ । कोरोना संक्रमितमध्ये दुई जनाको मृत्यु भएको छ भने ३६ जना उपचार पछि निको भएर घर फर्केका छन् ।
प्रतिक्रिया