बुटवल, ५ जेठ । गुल्मीका कोरोना भाइरस (कोभिड–१९) का संक्रमितको उपचार हुँदै गरेको रुपन्देहीको मणिग्रामस्थित क्रिमसन अस्पताल सिल गरिएको छ । कोरोना पुष्टि भएपछि थप उपचारका लागि उनलाई भैरहवास्थित भीम अस्पताल लगिएको छ ।
कोरोना संक्रमितको भेन्टिलेटरमा राखेर उपचार गरिएको छ । उनको अवस्था गम्भीर रहेको अस्पताल स्रोतले जनाएको छ । स्वास्थ्य तथा जनसंख्या मन्त्रालयले सोमबार गुल्मीका एक पुरुषमा कारोना संक्रमण पुष्टि भएको जनाएको थियो । संक्रमित मदाने गाउँपालिका– ६ पुर्कोट दहका हुन् ।
जण्डिस र निमोनिया भएको भन्दै आफन्तले १ जेठमा क्रिमसन अस्पताल भर्ना गरेका थिए । क्रिमसन चिकित्सकहरुले भने एक्यिुट इन्सेफलाइटिस सिन्ड्रोम देखिएको र निमोनिया भएको भन्दै दुई दिन आईसीयूमा राखेर उपचार गरेका थिए । संक्रमित २ गते थ्रोट स्वाब संकलन गरेको थियो र भैरहवास्थित प्रादेशिक प्रयोगशालामा परीक्षण गरिएको थियो । शिक्षक पेशामा आवद्ध उनको ट्राभल हिस्टी नभएको मदाने गाउँपालिकाका अध्यक्ष दानबहादुर केसीले बताउनुभयो के.सी.ले भन्नुभयो उहाँलाई कसरी कोरोना लाग्यो, हामी सबै आश्चर्यमा परेका छौं ।
प्रतिक्रिया