कपिलवस्तु ६ जेठ ।कोरोना संक्रमित पुष्टी भएकी कपिलवस्तु अस्पतालमा कार्यरत २५ बर्षिया स्टाप नर्सको पिसिआर रिपार्ट नेगेटिभ आएको छ । आठ दिन अघि उनी संक्रमित भएको पुष्टी भएको थियो । गत बैशाख २७ गते उनी सहित कपिलवस्तु नगरपालिकाका १ सय ३ जनाको स्बाव संकलन गरिए पछि नर्सं सहीत ८ जना कोरोना पोजेटिभ देखिएका थिए । अस्पतालको आईसोलेनमा उपचारत नर्सको दाश्रोे पटक गत जेठ १ र तश्रो पटक गत जेठ ४ गते पुनः स्वाब संकलन गरी प्रदेश जनस्वास्थ्य प्रयोगशाला भैरहवा पठाईएको थियो ।
अहिले दुबै रिपार्ट नेगेटिभ आएको अस्पतालका निमित्त मेसु डाक्टर गणेश क्षेत्रीले बताउनु भयो । ‘नर्सको अवस्था सामान्य छ र अहिले पनि उनीमा कोरोनाको कुनै लक्षण देखिएको छैन ’ उनले भने । कोरोना संबन्धी बिश्व स्वास्थ्य संगठनले जारी गरको निर्देशिका र मापदण्ड अनुसार अहिले नर्स पुर्णरुपमा निको भएको डाक्टर क्षेत्रीले बताए । आईसोलेनमा राखेको १४ दिन पुगे पछि नर्सलाई घर फर्काईने उनले बताए । अस्पतालको प्रसुति शाखा र बार्डमा कार्यरत नर्सलाई कसरी कोरोना सरेको भन्ने अझै पत्रा नलागेका उनले बताए ।
लकडाउनका बेला तौलिहवा रहेको घरबाट आउजाउ गर्थिन । आईसोलेनमा रहेकी नर्सलाई अब छिट्टैै काममा फर्काउने उनले बताए । नर्ससंग नजिक रहेर काम गरको तथा नर्सका परिवार गरी १ सय ११ जना कै रिपार्ट नेगेटिभ आए पछि बुधवार देखि कपिलवस्तु अस्पताल नयाँ ढंगले संचालन गरिने भएको छ । नर्स संक्रमित भएपछि गत शुक्रवारबाट सेवा बन्दछ । अस्पतालको मंगलवार पुर्ण निर्मलीकरण गरिएकाले र बुधवार देखि सेवा प्रारम्भ गरिने डाक्टर क्षेत्रीले बताए । संक्रमणलाई मध्यनजर गर्दै फोन मार्फत प्रि बुकिङ गरी ओपीडी लगायका सेवाहरु दैनिक ४० जनालाई दिने गरी निर्णय भएको उनले बताए ।
एक बिरामीको एक कुरुवा मात्र राख्न दिने तथा आकस्मिक र प्रसुती सेवा चौबिसै घन्टा खुला रहेको छ । प्री बुकिङकालागि बिहान ८ बजे देखि दिउसो ४ बजे सम्म ९८२१५६८३१४, ९८५७०५१०५४ मा संपर्क गर्न आग्रह गरिएको छ ।
प्रतिक्रिया