यशोधरा नेपालको सबै भन्दा बढी संक्रमण भएको स्थानीय तह

कपिलवस्तु

कपिलवस्तुमा ४४ जना
कोरोना संक्रमित थप भएका छन् । जिल्ला स्वास्थ्य कार्यालय कपिलवस्तुका अनुसार
शुक्रवार दिउसो महाराजगन्ज नगरपालिकामा १५ पुरुष र यशोधरा गाउँपालिकामा २९ पुरुषमा
कोरोना संक्रमण देखिएको बताइएको छ । यशोधरा गाउँपालिकामा ८ महिनाको बालकमा पनि
कोरोना संक्रमण भएको फोकल पर्सन कुमार थापाले बताउनु भयो ।

जिल्लामा कुल ४७५
जनामा कोरोना संक्रमण देखिएको छ । देशको सबै भन्दा बढी संक्रमण भएको जिल्ला
कपिलवस्तु हो । यशोधरा गाउँपालिकामा १३५ जनामा कोरोना संक्रमण भएको छ । यो थप भए
सँगै यशोधरा नेपालको सबै भन्दा बढी संक्रमण भएको स्थानीय तह वनेको छ । यसै गरी
महाराजगन्ज नगरपालिकामा ६५ जना, मायादेवी गाउँपालिका ५३ जना, कृष्णनगर नगरपालिकामा ५२ जना , शिवराज नगरपालिकामा ४८
जना, शुद्धोधन गाउँपालिकामा ३० जना, कपिलवस्तु नगरपालिका
२९ जना,
बुद्धभुमी नगरपालिका २५ जना, बाणगंगा नगरपालिकामा २२ र
विजयनगर गाउँपालिकामा १६ जनामा संक्रमण भएको पुष्टि भएको छ । संक्रमित मध्ये ३२
जना महिला रहेका छन् ।