अर्घाखाँचीमा आरडीटीमा पोजिटिभ आएका एक जनाले गरे आत्महत्या

अर्घाखाँची ३ असार । शीतगंगा नगरपालिका–५ जलुकेको हरि माविको क्वारेन्टाइनमा एक व्यक्तिको पासो लगाएर झुन्डिएको अवस्थामा शव फेला परेको छ । ४५ वर्षीय देवबहादुर विक मृत भेटिएका हुन् ।२५ दिनअघि भारतबाट आएर क्वारेन्टाइनमा बस्दै आएका उनको आरडीटीमा पोजिटिभ रिपोर्ट आएको थियो ।एउटै कोठामा बसेका ३ जना साथीलाई सुत्न लगाई विकले स्कुलपछाडिको रूखमा झुन्डिएर आत्महत्या गरेको वडाध्यक्ष कमल पौडेलले बताए । उनका अनुसार उनको पारिवारिक अवस्था दयनीय थिए । विकसँगै बसेका तीन जनामा पनि आरडीटी रिपोर्ट पोजिटिभ देखिएको छ । घटनाबारे अनुसन्धान भइरहेको प्रहरीले जनाएको छ ।