पहिरोका कारण अवरुद्ध सन्धीखर्क–गोरूसिङगे सडकखण्ड अझै संचालनमा आउन सकेन

अर्घाखाँची ८ असार । पहिरोका कारण अवरुद्ध सन्धीखर्क–गोरूसिङगे सडकखण्ड अझै संचालनमा आउन सकेको छैन ।  करिव एक सय पचास मिटर माथीको पहाडबाट खसेको पहिरोका कारण सडक अवरुद्व भएको हो ।जिल्लाको मुख्य सडक नै अवरुद्ध भएपछि एम्बुलेन्स सहित मानिस आवतजावत गर्न पनि ठप्प भएको छ । गुल्मी, अर्घाखाँची र प्युठानका कतिपय नागरिक अर्घाखाँची सन्धिखर्क, गरुसिङगे हुदै रुपन्देही आउने गर्दछन् । दुई वटा स्काभेटर प्रयोग गरी पहिरो हटाउने काम भईरहेपनि सडक सुचारु गर्न अझै केही समय लाग्ने अर्घाखाँचीका प्रमुख जिल्ला अधिकारी विजयराज पौडेलले जानकारी दिए । पानी परिरहेकाले पहिरो पन्छाउन समस्या भईरहेको प्रहरीले जनाएको छ ।