सुदूरपश्चिममा ५ महिने बालिकासहित थप ४९ जनामा कोरोना संक्रमण

सुर्खेत, ९ असार । सुदूरपश्चिममा आज मंगलबार पाँच महिने बालिकासहित थप ४९ जनामा कोरोना संक्रमण फेला परेको छ । सेती प्रादेशिक अस्पतालको प्रयोगशालामा गरिएको परीक्षणमा १७ महिला र ३२ पुरुषमा कोरोना पोजेटिभ देखिएको सूचना अधिकारी दिलिप कुमार श्रेष्ठले जानकारी दिए ।मंगलवार सबैभन्दा बढी कैलालीको गोदावरी नगरपालिकामा ५ महिने बालिकासहित १५ महिला र २९ जना पुरुषमा संक्रमण पुष्टि भएको हो ।कैलालीमा मंगलबार ४६ जनामा संक्रमण पुष्टि भएको छ । कञ्चनपुरको बेलौरी नगरपालिका, बझाङ र बाजुराका एक–एक जनामा पनि संक्रमण पुष्टि भएको सूचना अधिकारी श्रेष्ठले जानकारी दिए ।