कपिलवस्तुमा १६ वर्षीया बालिका जबरजस्ती करणीको आरोपमा एकजना पक्राउ

कपिलवस्तु १८ असार । कपिलवस्तुमा १६ वर्षीया बालिकालाई जबरजस्ती करणी गरेको आरोपमा एकजना पक्राउ परेका छन्  । जिल्ला प्रहरी कार्यालय कपिलवस्तुका अनुसार शुद्धोधन गाउँपालिका १ सोहसाका ३४ वर्षीय दामोदर थारुलाई जवरजस्ती करणी गरेको जाहेरीको आधारमा पक्राउ गरेको बताईएको छ । दामोदरले बालिकाको घरमा कोही नभएको अवस्थामा चर्पीमा लगेर बलात्कार गरेको आरोप लगाईएको छ । प्रहरी चौकी बगदी र इलाका प्रहरी कार्यालय पकडीको टोलीले बुधबार पक्राउ गरेको हो ।