क्वारेनटाइन सुरक्षामा बसेका हवलदार कुटिए ।

कपिलवस्तु
कपिलवस्तुको बुद्धभुमी नगरपालिका १ सिद्धार्थ स्मारक मा.वि भेलाईमा रहेको क्वारेनटाइनको सुरक्षामा खटिएका प्रहरी हवलदार कमल भण्डारी माथि कुटपिट भएको छ । सोमवार राती ८ः३० बजे स्थानीय युवाले आक्रमण गरेका हुन् । घटनामा संलग्न भएको आरोपमा इलाका प्रहरी कार्यालय गोरुसिङ्गेले ७ जनालाई पक्राउ गरेको छ ।
एक आपसमा झगडा गरेको बेला हवलदार भण्डारीले सम्झाउँदा आक्रमण गरेका थिए । उनीहरू मादक पदार्थ सेवन गरी आएको एक प्रत्यक्षदर्शीले बताए । भण्डारीले लगाएको बर्दी च्यातेर लाठीले हानेको स्थानीय वताउछन । प्रहरी स्रोतका अनुसार पक्राउ परेका लाई सार्वजनिक मुद्दा चलाउने तयारी गरिएको छ ।