डब्ल्यूएचओमा जागिर लगाइदिन्छु भन्दै ठग्ने व्यक्ति पक्राउ

काठमाण्डौ २४ असार ।  विश्व स्वास्थ्य सङ्गठन डब्ल्यूएचओमा जागिर लगाइदिन्छु भन्दै ठगी गर्ने नवलपरासीका विजय पाण्डे पक्राउ परेका छन् ।आफू विश्व स्वास्थ्य सङ्गठनको कर्मचारी भएको र जागिर लगाइदिने भन्दै विभिन्न व्यक्तिबाट लाखौँ रुपैयाँ लिएर फरार रहेका नवलपरासीको सुस्ताका पाण्डेलाई महानगरीय प्रहरी अपराध महाशाखाले पक्राउ गरेको हो ।उनले  चितवनकी अस्मिता अधिकारीसँग एक लाख ८२ हजार रुपैयाँ, चितवनकै निशानबाबुघिमिरेसँग तीन लाख ५० हजार रुपैयाँ लिएको तथा अरु ठगी गरेको भेटिएको अपराध महाशाखाका प्रहरी उपरीक्षक ईश्वर कार्कीले जानकारी दिनुभयो ।