कपिलवस्तुमा भान्जी काट्दै गर्दा मामा पक्राउ ।

कपिलवस्तु
१ साउन २०७७
कपिलवस्तुको महाराजगन्ज नगरपालिका वडा नं. २ सानो गैडहवामा भान्जीलाई काट्दै गरेको अवस्थामा मामा पक्राउ परेका छन् । दिदी भिनाजु सँगै बस्दै आएका वर्ष २९ का कन्हैया कुर्मीलाई प्रहरीले घटना स्थलबाट पक्राउ गरेको छ । बिहीबार दिउसो २ः३० बजे वर्ष १४ की महिमा कुर्मीको घाटी काट्दै गर्दा स्थानीयले उद्धार गरेका थिए ।
‘बालिका सुतिरहेकी थिइन । कन्हैयाले हँसिया लिएर काट्न लागे पछि चिच्याएकी थिइन । आवाज सुने पछि स्थानीयले उद्धार गरेका थिए’ , इलाका प्रहरी कार्यालय चन्द्रौटाका प्रहरी निरीक्षक दिपेख खरेलले बताए । बालिकाको घाटीमा सामान्य चोट लागेको छ । स्थानीय क्लिनिकमा उपचार पछि घर फर्किएकी छिन । घटनाको कारणको विषयमा खोजी भई रहेको प्रहरीले जनाएको छ ।