अबैध सुन तस्करीमा संलग्न एकजना १६ लाख सहित पक्राउ

कपिलवस्तु २० साउन ।नेपालवाट अबैध सुन तस्करगरी भारतमा पुराउने काममा संलग्न एकजना १६ लाख सहित पक्राउ परेका छन् ।  भारतवाट नेपाल आउदै गरेका ती ब्यक्तिवाट स्रोत खुलाउन नसकेको १६ लाख नेपाली रुपैयाँ बरामद भएको छ । रकम सहित उनी सशस्त्र प्रहरीको नियन्त्रणमा परेका छन् ।जिल्लाको मायादेवी गाउँपालिका वडा नं १ पकडीका ३६ बर्षीय विनोद सोनारलाई १६ लाख रुपैयाँसहित नियन्त्रणमा लिइएको सशस्त्र प्रहरी उपरीक्षक धुव्र कार्कीले वताउनु भयो । 

    भारतबाट नेपाल आउँदै गरेका उनी बिशेष सुराकीका आधारमा मायादेवी गाउँपालिका वडा नं ४ ठकुरापुर गोब्ली बगैंचाबाट सशस्त्र प्रहरीको नियन्त्रणमा परेका हुन् ।पक्राउ परेका सोनारको साथबाट १ हजार दरका एक एक सय थानका १२ गड्डी र ५ सय दरका एक एक सय थानका ८ गड्डी बरामद गरिएको जनाइएको छ ।