तौलिहवामा ७ प्रहरी सहित २६ जनाका कोरोना देखियो ।

कपिलवस्तु , ३० साउन

कपिलवस्तुको जिल्ला सदरमुकाम तौलिहवामा ७ प्रहरी सहित २५ जनामा कोरोना संक्रमण भएको पुष्टि भएको छ । थप हुनेमा प्रहरी, बैङ्कका कर्मचारी, विद्यार्थी , स्वास्थ्यकर्मी समेत रहेका छन् ।

जिल्ला प्रहरी कार्यालय कपिलवस्तुमा ७ जनाका कोरोना देखिएको छ । यस अगाडी २ जना प्रहरीका कोरोना भएको पुष्टि भएपछि आइसोलेसन पठाइएको थियो । कृषि विकास बैङ्क, मेघा बैङ्क, ग्लोबल आइएमई बैङ्क, गुह्येश्वरी फाइनान्स, तिनाउ मिसन बैङ्कका ७ जना कर्मचारीमा संक्रमण देखिएको छ । एक जना बैङ्कका म्यानेजर समेत रहेका छन् । ५ जना विद्यार्थीमा समेत संक्रमण भएको कोरोना फोकल पर्सन कुमार थापाले बताएका छन् । तौलिहवामा ९१ जना उपचाररत रहेका छन् । ती सबै समुदायबाट संक्रमण भएका हुन । कोरोनाका कारणले तौलिहवाका १ व्यापारीको मृत्यु समेत भएको छ ।