कपिलवस्तु, ३ भाद्र २०७७
कपिलवस्तुको शिवराज नगरपालिका १ पहिरा खोलामा राँगा बोक्ने ट्रक दुर्घटना हुँदा एक जनाको मृत्यु भएको छ । बुधवार बिहान गुडी रहेको ट्रकको दुवै चक्का नालामा फसेको थियो । राँगा हेर्न राखिएका एक कामदार ढोका खोली हुट तर्फ चढ्न लागेका थिए । चक्काले बाटो छोडे पछि ट्रक देब्रे भागले पहाडको पाखामा तिर ढल्किएको थियो । उनी ट्रक र पहाडको बिचमा च्यापिएर फसेका थिए ।
मृत्यु हुनेमा नेपालगन्ज उप महानगरपालिका वडा नं. २० बस्ने वर्ष ३५ का जमुना खटिक रहेका छन् । ना ८ ख ३२१३ नम्बरको ट्रक राँगा बोकेर काठमान्डु तर्फ जाँदै गर्दा दुर्घटना भएको हो । फसेका कामदारलाई निकाल्न एक घण्टा समय लागेको जिल्ला ट्राफिक प्रहरी कार्यालय कपिलवस्तुले जनाएको छ ।
प्रतिक्रिया