अज्ञात समुहद्धारा बिद्यालयको बेन्च तोडफोड

नवलपरासी, ८ भदौ । नवलपरासीको सरावल गाउँपालिका वडा नं. ४ हात्तिवन स्थित बुद्धज्योति प्राथमिक बिद्यालय भवनको ताल्चा फुटाएर तिनवटा पंखा चोरी गरिनुका साथै कोठाभित्रको बेन्च तोडफोड गरीएको छ । निषेधाज्ञाको समयमा अज्ञात समुहद्धारा बुद्धज्योति प्राथमिक बिद्यालय हात्तिवनमा चोरी भएको बिद्यालयका प्र.अ बिनोद पाण्डेयले बताए । बेन्च तोडफोड र पंखा चोरीबाट करिब २० हजार बराबरको क्षति भएको र घटनामा संलग्नको खोजी भइरहेको प्र.अ पाण्डेयले बताएका छन् ।